3. səthin günəşdən gələn elektromaqnit dalğasının neçə faizini qaytardığını göstərən kəmiyyət. məsələn buzun albedosu 0.9-dur. bu o deməkdir ki, buz səthinə düşən işığın 10 faizini udur, 90 faizini əks etdirir.

albedo cisimin xassələrindən, səthin sahəsindən və rəngdən asılıdır. bildiyimiz kimi ağ cisimlər daha çox işığı əks etdirir, yəni albedosu yüksəkdir. qara isə əksinə, daha çox udur, yəni albedosu aşağıdır.

albedonun planetin iqliminə birbaşa təsiri var. yer üçün albedo 0.3-dür. yəni işığın 3-də 1-ni əks etdirir. yerin ortalama temperaturu 14 dərəcədir. əgər quru sahələri buz ilə əvəz olunsa idi, tempratur albedo nəticəsində 0 dərəcəyədək düşərdi. həmçinin yer kürəsi su ilə əhatələnsə, tempratur 24 dərəcələrə çata bilərdi.

bir digər nümunə kimi meşəlik əraziləri göstərmək olar. meşəlik ərazinin albedosu 0.12-ə bərabərdir. meşələrin qırılması zamanı isə albedosu yüksək olan səhralıqlar əmələ gəlir ki, buda daha çox istiliyin əks olunmasıdır. ağaclarımızın məhvi də karbon qazının miqdarında artışa səbəb olacaq. karbon qazının atmosferdə yaşam müddətinin ağacların əmələ gəlməsindən daha uzun sürdüyünü də nəzərə alsaq, meşələrin qırılması istixana effektinə, bu da qlobal istiləşməyə səbəb olur.

albedo anlayışı həmçinin astronomiyada da istifadə olunur. albedo sayəsində planetin iqlimi, parlaqlığı hətta onun diametri kimi parametrləri hesablamaq mümkündür.